محسن سالم

منتدى دينى سياسى عسكرى رياضى قصصى
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

 نشرة اخبار التغييرات بماسبيرو

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
Admin
Admin


المساهمات : 5122
تاريخ التسجيل : 03/09/2012

مُساهمةموضوع: نشرة اخبار التغييرات بماسبيرو   الجمعة يونيو 03, 2016 11:45 pm

محسن محمود مرحبا بكم اعزائى المشاهدين مع نشرة الواحده بعد منتصف الليل من ماسبيرو يقدمها لكم محسن محمود عبر مراسلكم محسن سالم وتتابعون فيها بعد الفاصل اخر اخبار الصراع على كرسى رئاسة ماسبيرو بعد انهاء خدمة الاسير بين ثناء حجازى وعدلى لاشين ومن اخبار ماسبيرو المحليه على جعفر مش هيمشى لو هيتبعتر ومحمد صقر هيتحول لنسر مش عصفور مقصوص الجناح
وبعد الفاصل
محسن محمود: مرحبا بطكم اعزائى المشاهدين مرة اخرى ونتابع احداث النشره عبر مراسلنا محسن سالم من امام مبنى ماسبيرو الذى يظهر خلفه فى الصوره سيد محسن ما اخر الاخبار عندك؟
محسن سالم هامسا:الاول قول لى حد من المشاهدين واخد باله ان الصوره اللى ورايا دى مزيفه وانى واقف فى السيده زينب
محسن محمود بغيظ ودهشه:لأ طبعا محدش واخد باله بس ممكن ياخدوا بالهم من كلامنا لان لو كان حد واخد باله كان المخرج نبهنا
محسن سالم:يا عم سيبك من المخرج ده د انا سألته امبارح سؤال عن مين اللى بنى هرم سقاره الغبى رد عليا وقال لى محمد على مدرسش تاريخ خالص والا كان هيعرف ان اللى بنى هرم سقاره هو السادات
محسن محمود:يا سلام السادات د انا كنت فاكر ان اللى بناه مبارك
محسن سالم:سيبك من تزييف التاريخ ده مبارك زيف كل حاجه حتى المراجيح اللى كانت قدام بيتنا كانوا مسميينها مراجيح مبارك ايام النفاق والتطبيل
محسن محمود:بس كانت ايام حلوه وفيها استقرار و.يانهار ابيض استاذ محسن ادخل عالنشره الله يكرمك احسن المخرج جه وباين عليه بيسمعنا
محسن سالم:ميهمكش منه ميقدرش يعمل حاجه وبعدين مراته بتحب تسمع الحاجات دى ولو قطع علينا هنشتكيلها وانت عارف هى بتتفاهم معاه ازاى
محسن محمود:طبعا عارف لكن متنساش ان حوافزنا فى ايده
محسن سالم مرتبكا:طبعا طبعا د المخرج ده الكل ف الكل وراجل متميز فى عمله المهم احنا كنا بنقول ايه
أاه مرحبا بكم اعزائى المشاهدين فى نشرة الواحده بعد منتصف الليل من ماسبيرو بث مباشر مش مسجل ومستعد احلف لكم
المهم ازداد الصراع على منصب رئيس اتحاد ماسبيرو بعد الاطاحه بالاسير من منصبه وانهاء خدمته بشكل دراماتيكى جعله يودع من كانوا فى المبنى باغنية راحل انا انا راحل ومفارق الاحباب(مع الاعتذار لعمرو دياب)بالرغم من تاثر الاحباب وقيامهم بكسر زير كامل ورائه وتم تصعيد ثناء حجازى رسميا التى لم تصدق نفسها من الفرحه واخذت ترقص وتغنى النهارده احلى يوم النهارده احلى يوم علشان فلافيلو فيلو فلافيلو رجعلنا اقصد علشان المنصب منصب المنصب رجعلنا(مع العتذار لبوجى وطمطم)ولكن يبدو ان فرحتها لم تتم تماما حينما علمت ان عدلى لاشين لن يقبل بهذا مما جعلها تحتضن كرسى رئاسة ماسبيرو امامه اثناء تهنئته لها وتغنى له ياللى اديت لحياتى ف حبك طعم ولون مش هتنازل عنك ابدا مهما يكووون مش هتنازل عنك ابدا مش هتنازل عنك ابدا مش هتنازل عنك ابدا مهما يكون (مع الاعتذار لسميره سعيد)وكررت كلمة ابدا كثيرا ولكن من ناحيه اخرى وبالرغم من صدمة عدلى لاشين الا انه لم يستسلم واعلن انه لن يتنازل عن كرسى الرئاسه ابدا وانه سيظل ورائه مهما كلفه هذا وسيحاول مره اخرى وهذه ليست اول مره يرسب فيها فى شىء ولكنه يعود وينجح فقد فعلها مرارا ايام الجامعه وتصديقا لقوله امام انصاره احضر نموذج كرسيا يشبه كرسى رئاسة مكتب ماسبيرو واخذ يغنى له وراااااااك وراك م البدايه وراااااااااك لحد النهايه هنمشى الطريق من الاول يا حبيبى وهوايا هواك وان كان الطريق هيطول متخافش انا ويااااااك(مع الاعتذار لايهاب توفيق)
محسن محمود:سيد محسن الوقت قارب على النففاذ من فضلك انتقل للاخبار المحليه من داخل المبنى
محسن سالم:ومن اخبارنا المحليه اعلن على جعفر رئيس المحليه والتحليه انه لن يترك مكانه ولن يرحل حتى ولو تم بعترة كرامته وانه لا يهمه لانه من الاساس لا يملكها فكيف يهتم بشىء لا يملكه حتى ان احدى المذيعات قالت له الا تخشى على كرامتك اذا لم ترحل فعقد حاجبيه وظل يسالها عن معنى كلمة كرامه وظل كذلك حتى ذهب الى بيته وهو يسئل نفسه واخيرا سأل صديق عمره احمد صقر الذى اكد له بان كرامه هى مرض جديد يصاب به فقط بعض ممن عندهم حياء فساله عن معنى كلمة الحياء فتنهد صقر وهو يخبره بان الحياء علم من علوم الاحياء فشكره جغفر بشده واثنى على صداقتهما ومن ناحيه اخرى اعلن محمد صقر انه ليس صقر ولكنه تحول مؤخرا لنسر وليس عصفورا ضعيف الجناح ومصداقا لقوله اخذ يحضر للمبنى مؤخرا وهو يضع جناحى ريش كبيرين على ساعديه وحينما اعترض بعض الامن خارجا وسالوه عن سبب احضاره لهذا اخبرهم انه احضرهما فقط حتى لو حدث زلزال لا قدر الله يهدم المبنى او عمليه ارهابيه تفجر المبنى فانه سيقوم فورا باستخدامهما والقفز من نافذة حجرته والطيران بهما و..
يالا يا بنى من هنا هنرش ميه
وطراااش
محسن محمود:استاذ سالم ماذا يحدث عندك؟
محسن سالم مبتلا:الراجل القهوجى مخدش باله فحدفنى بالميه والهدوم اتبلت
محسن محمود:طب الحمد لله انها جت على قد كده ومتزعلش يا سيدى يعنى هو هيكون اول جردل ميه
محسن سالم:لأ بس الميه مكانتش ساقعه زى كل مره
محسن محمود:طب يالا بقى ارجع عالمبنى عشان تسلم شريط التصوير
محسن سالم:حاضر انا جى بس لما الهدوم تنشف الاول
تمت بحمد الله

هذه الفكره هى من خيال المؤلف فقط واى تشابه بين اى شخصيه فيها وبين اى شخصيه فى الواقع هو مجرد محض مصادفه فقط
محسن محمود سالم
01129810580
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohsensalim.mountada.net
 
نشرة اخبار التغييرات بماسبيرو
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
محسن سالم :: الفئة الأولى :: منتدى مقالات الصحفى محسن سالم-
انتقل الى: