محسن سالم

منتدى دينى سياسى عسكرى رياضى قصصى
 
الرئيسيةالرئيسية  اليوميةاليومية  س .و .جس .و .ج  بحـثبحـث  الأعضاءالأعضاء  المجموعاتالمجموعات  التسجيلالتسجيل  دخولدخول  

شاطر | 
 

  حوار بين فلولى واخوانجى(فكرة محسن)

اذهب الى الأسفل 
كاتب الموضوعرسالة
Admin
Admin


المساهمات : 5122
تاريخ التسجيل : 03/09/2012

مُساهمةموضوع: حوار بين فلولى واخوانجى(فكرة محسن)   الإثنين سبتمبر 17, 2012 12:07 am

فلولى:ايه يا سيدى عايزين تكوشوا على كل حاجه عايزين الرئاسه بعد الشعب والشورى وكله بأسم الدين
اخوانجى:طب ما انتوا كوشتوا قبل كده وكانت ايه النتيجه فساد وخراب
فلولى:لأافحمتنى انت ناسى انكم كنتم معانا ولو كنتوا نجحتوا فى انتخابات 2010 زى 2005 كنتوا قلتوا قصايد مدح عن ديمقراطية الحزب الوطنى لكن لما سقطتوا ركبتوا الموجه مع الثوره
اخوانجى:احنا مركبناش الموجه احنا ناس اصحاب نضال وكفاح عشان الشعب ده اللى من ثقته فينا ادانا نصف مقاعد مجلس الشعب تقريبا
فلولى:هاهاهاهاهاهاهاهاهاى انت بتضحك على نفسك والا ايه انتوا نجحتوا بأصوات الناس البسيطهاللى ضحكتوا عليها بالزيت والسكر بتوع اخونا خيرت والمستوصفات اللى كنتوا عاملينها باسعار رخيصه ومساعدتكم للفقراء ولكن قسما كبيرا من الناس بدء يكشفكم على حقيقتكم والدليل انكم بعد ما اخدتم 12 مليون صوت فى مجلس الشعب حصلتوا على اقل من 6 مليون صوت فى انتخابات الرئاسه وبالرشوه والتزوير كمان
اخوانجى:يعنى انتوا اللى ملايكه ما عندك شفيق ده ضده 35 بلاغ والمفروض يتنفذوا ويستبعدوه بالعزل
فلولى:انتوا اكتر ناس مستفاده من وجود شفيق لان لو كانوا دخلوا حمدين بداله كان هيكسب مرسى بسهوله اما شفيق فلو فاز تقوم ثوره ولو سقط يبقى انتوا مسكتوا اخيرا
اخوانجى:طب ما انتوا لو مسك شفيق افندى هيدى عفو لمبارك وعياله وهيكون ديكتاتور اشد من مبارك وهيقضى علينا
فلولى :اديك وصلت لمربط الفرس انتوا خايفين من وصول شفيق ليقضى عليكم يعنى مش خايفين الا على الجماعه مش الشعب هتفضلوا طول عمركوا منافقين وفعلا الطبع غالب وعمر ديل الكلب ما يتعدل لو حطوا عليه قالب
اخوانجى :احنا اكتر ناس ضحينا للشعب ده كفايه مشروع النهضه واننا مسلمين
فلولى:ضحيتوا بايه ونهضة ايه ده مشروع عايز 18 سنه ومين اللى هيموله قاعدتى العيديد والسيليه الامريكيه قطر سابقا او كلاب الامريكان النابحين حاليا الشعب اللى ثار ووقعنا لو انتوا مسكتوا لا قدر الله هيعرف حقيقتكم ووقتها هتكونوا العن مننا والرجل اللى هدد اكتر من 5 مليون مصرى بالجزمه مع انه عمره مالبسها ودايما بيلبس شبشب زنوبه اسود لان رجله مقرحه اللى انتوا حاطينه برفان يحركه المرشد وخيرت هياخد على قفاه والشعب مش معايا ولا معاك والناس مبقتش بتيات ايام دلوقتى فى التحرير زى الاول ومرشحنا مبيتسترش بالدين زيكم ولا بيوزع زيت وسكرواغلبية الناس مش معاكو الربع بس و...
اخوانجى:حيلك حيلك يا عم احنا اللى نستحق نفوز وهنخدم الشعب مش هنسرقه زيكم
على الاقل عندنا شوية ضمير
فلولى :بينى وبينك الصندوق
اخوانجى:انا موافق وصدقنى ربنا مش هينصرك
فلولى:لو كانت نيتكم خالصه لله فالنصر ليكم اما لو كانت خالصه لميدان التحرير كما صرح مرشحكم بانه سيعيد المحاكمات وهو يعلم استحالة ذلك قانونا فهتسقطوا ولو حاولتوا تهيجوا الدنيا هتخسروا الشعب والشورى
اخوانجى:معاك حق بكره نشوف
فلولى:وساعتها هنعرف مين المنافق من الواثق لأن الشعب مبقاش اهبل ولعلمك كلمة حق قبل ما اقبل ربى لا مرسى ولا شفيق يستحقوا الاعاده بعد الغش والتزوير والرشوه اللى حصلت
اخوانجى:معاك حق اللى يستحق فعلا هما
فلولى:ابوالفتوح
اخوانجى:وصباحى
تمت
يمنع الاقتباس او النشر ومن يخالف ذلك يعرض نفسه للمسائله القانونيه
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mohsensalim.mountada.net
 
حوار بين فلولى واخوانجى(فكرة محسن)
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
محسن سالم :: الفئة الأولى :: منتدى قصص الصحفى والمؤلف محسن حمود سالم-
انتقل الى: